Faqja zyrtare e Kuvendit të Shqipërisë është hakeruar nga grupi i hakerave iranianë “Homeland Justice”. Ata kanë marrë përsipër sulmin kibernetik ndaj faqes së parlamentit duke e njoftuar në rrjetin social ‘telegram’ përmes një mesazhi.
Ndërkohë faqja e Kuvendit është e pa-aksesueshme për qytetarët. Kjo është hera e tretë që hakerat iranianë shigjetojnë faqet e institucioneve shqiptare, pas dy sulmeve në korrik e shtator të 2022, çka solli edhe ndërprerjen e marrëdhënieve diplomatike mes Shqipërisë dhe Republikën Islamike të Iranit.
Hakerat iranianë sulmuan po ashtu kompaninë One, duke cenuar të dhënat e mijëra shqiptarëve që tashmë janë në duart e hakerave.